Жалал-Абадда соңку аптада жети оор кылмыштын бети ачылды жана ЖТР теле компаниясында эки адамды жана милициянын ардагерин мыкаачылык менен өлтүргөндөр да колго түштү. Бул тууралу ички иштер министринин Жалал-Абадда жүргөн 1- орунбасары Мелис Турганбаев маалымат жыйынында билдирди.
Коомчулуктун өкүлдөрү Жалал-Абадда май жана июнь айындагы тополоң окуяларын чыгарбай коюу мүмкүнчүлүктөрү колдон чыгып кеткенин, бул жерде эл менен иштеше албаган бийликтин күнөөсү бар экендигин айтып жатышат.
12- июлда Сузак районундагы Сузак айлынын 150- 200дөй тургуну Ош- Бишкек унаа жолунун Жалал-Абад- Сузак айлампасын тосуп, жол боюнда кечке дейре митинг курду. Алар кармалган адамдарды бошотууну талап кылышты.
Өзбекстан кыргыз-өзбек чек арасындагы Чек айылында жашаган элдин көчүп кетүүсүн талап кылып, убакыт чектеди. Айыл коңшу мамлекетке кандайча өтүп кеткенинен кабарсыз кыргыз жарандары үй-жайын бузуп кетүүгө мажбур болушууда.
Жалал-Абад облусундагы турак-жайлары өрттөлгөн жарандар үйлөрүн калыбына келтирип берүүнү талап кылышууда. Алар берилип жаткан кайрымдуулук жардамы жетишсиз экендигин белгилешүүдө. Облустук бийликтин билдиришинче баш баанексиз калган жарандар тамак- аш жана чатыр, төшөнчү менен толук камсыздалды.
1-июлда БУУнун качкындар боюнча башкы комиссары Антонио Гутериш Жалал-Абад облусуна келди.
Жалал-Абад шаарынын үйлөрү өрттөнгөн жарандары азык-түлүк жана кайрымдуулук жардамы тартыш болгонуна нааразы. Бирок шаардык бийлик сырттан келген соопчулук жардамдары үй башчылар тарабынан тизме менен таркатылып жатканын, азык-түлүк жетиштүү экенин билдирүүдө. Шаар башчылары өз кезегинде нааразылык чыгарууга негиз жок дешет, алардын жүйөөсүндө жабыркагандарга жардам жетиштүү көрсөтүлүп жатат.
Массалык тополоң маалында үй-жайлары өрттөлгөн Жалал-Абад шаарынын тургундары туугандарыныкында баш калкалоодо. Июнь айындагы тополоңдо жеке жарандар менен бирге мамлекеттик бир нече мекеме- уюмдардын имараттары (Жалал-Абад шаардык МАИ, Жалал-Абад облус бажысы, ЖТР имараты, ээлери кыргыз ишкерлери болгон бир нече кафе-ресторандар да) өрттөлүп таланып-тонолгон. Баш паанексиз калган жарандар үчүн Өзгөчө кырдаалдар министрлиги атайын чатырларды район-шаарларга бөлүштүрдү.
Ош – Бишкек жолунун Сузак районундагы Топурак-Бел ашуусунда күзөттө турган тартип сакчыларынын мөөнөтү 28-июнда аяктады. 12-июнда белгисиз адамдар ушул жол менен жүргөн автоунааларга ок атышып, натыйжада бир нече адам курман болуп, автоунаалар өрттөлгөн. Ага байланыштуу кармалган шектүү адамдардын үстүнөн тергөө жүргүзүлүүдө.
Жалал-Абад облусунун добуш берүү бекеттерине келген жарандардын агымы түштөн кийин күчөдү. Арасында бүгүнкү референдумга кандай маселе коюлганын билбеген жарандар да жок эмес.
Бүгүн Сузак районунда 150- 200дөй тургуну нааразылык акциясына чыгышты. Сузак айыл өкмөтүнүн алдына топтолгон аялдар тартип коргоо уюмдары кармаган адамдарды бошотууну талап кылышты. Райондук прокурордун орунбасары Талант Аккозуев аялдар чыгарууну талап кылган адамдардын тагдырын сот чечерин билдирди
21-июнда өткөөл мезгил президенти Роза Отунбаева Жалал-Абадда болуп, өткөн аптадагы калабаларда ок тийген жарадарларын абалы менен таанышып, жергиликтүү бийликтин жана элдин өкүлдөрү менен жолугушту.
Бүгүн Жалал-Абадда турмуш мурдагы калыбына түшө баштады. Көчөлөрдө коомдук автоунаа менен жүргөн адамдар көбөйдү. Ашканалар жабык турганы менен борбордук базар ачылды.
15-июнда Жалал-Абад шаарында облустагы эки улутту элдештирүү түлөөсү өтүп, мындан ары улуттар аралык жаңжалды болтурбоо үчүн ар бир көчөдө элдик кошуун түзүү, жаштарды башаламандыктарга катыштырбоо сунуштары айтылды.
Кандуу калабалардан кийин Жалал-Абад шаарында азык-түлүк тартыштыгы пайда болду. Жээрге тамагы калбаган шаар тургундары бүгүн да мэриянын алдына чогулушту. Кыргызстандын башка чөлкөмдөрүнөн келген кайрымдуулук жардам тизмеге жараша бөлүштүрүлөт. Шаардын айрым тургундары 3-4 күндөн бери оокатсыз калгандыгын билдиришти.
3- июнь түнү мөндүр аралаш эки саат тынбай жааган нөшөрдүн айынан Жалал- Абад шаары менен Сузак, Базар-Коргон жана Ноокен райондоруна сел жүрдү. Натыйжада аталган аймактарда жарандардын үйлөрү менен короолорун жана эгин аянттарын суу каптады.
Убактылуу өкмөт төрайымынын түштүк аймагы боюнча өкүлү, коргоо министринин милдетин аткаруучу Исмаил Исаков өлкө түштүгүндө абал турукташканын, бирок айрым чек ара аймактарында кооптуу маселелер бар экенин айтат.
1-июнда Жалал-Абад шаары менен Сузак районунда өзгөчө абал алынганы менен жарандар бул аймактар тынч болооруна көп ишенбей турушат. Алар аймакта эл тынчтыгын бузууга кызыкдар ар кандай күчтөр кайра баш көтөрүшү ыктымалдыгына кооптонот.
Жалал-Абадда 19-майдагы башаламандыкта 74 адам жабыр тартты. Ок тийген үч киши каза тапты. Учурда ок атышуулардан жабыркап, облустун ооруканаларында дарыланып жаткандардын абалы жакшы. Сузак райондук ооруканасына түшкөн адамдардын ичинен бирөөсүнүн абалы оор.
14-майда Жалал-Абадда массалык тополоң уюштургандарга кылмыш иштери козголуп, элге ок аткандар изделүүдө. Бул жөнүндө Жалал-Абад облус прокурору Каныбек Турдумамбетов "Азаттыктагы" маегинде айтты.
Дагы жүктөңүз
